Cütcü
Cütcü Balakən rayonunun özünəxas yeməyidir və adətən elə bu rayonda ev şəraitində unikal reseptlə süddən hazırlanan maqaşla bişirilir. Lakin bu məhsulu tapmaq bir o qədər də asan olmadığı üçün, onun yerinə şor və ya kəsmik istifadə edilir.
Tərkibi:
- 200 qr yağlı şor
- 1 ədəd yumurta
- 400 qr un
- 10 qr soda
- 15 qr duz
- 20 qr şəkər tozu
- kərə yağı
Hazırlanması:
Şor, yumurta, un, duz apardığı qədər su ilə orta yumşaqlıqda yoğrulur. 15-20 dəqiqə dinləndirilən xəmir 100 qramlıq kündələrə bölünür. Kündələr mərdanə və ya oxlov köməyilə yayılır, öncədən isidilmiş yağsız tavada hər iki tərəfi bişənədək qızardılır. Yuxalar bişdikdən sonra üzəri kərə yağı ilə yağlanıb, üst-üstə yığılır.
Məsləhət:
Cütcü sacda bişirilərsə daha ləzzətli olar. Çörək əvəzi və ya təklikdə yemək kimi yanında bal, qaymaq ilə təqdim oluna bilər.