Daşarası Kabab
Qəbələnin ən məşhur yeməklərindən olan daşarası kababın əsas ləzzəti qızdırılmış qaya daşlarının arasında bişməsindən gəlir. Maraqlısı odur ki, yeməyin hazırlanma müddətində əsas vaxt daşların qızdırılmasına yarılır, yemək isə cəmi 15 dəqiqədə bişir. Yeməyin daşa yapışmaması üçün quyruq yağı istifadə olunur.
Tərkibi:
- 1 ədəd çolpa
- 300 qr kartof
- 200 qr badımcan
- 200 qr bibər
- quyruq
- bitki yağı
- duz, istiot
- limon
Hazırlanması:
Tərəvəzlər yuyulub iri hissələr doğranır. Çolpa təmizlənib yuyulur. Kiçik ocaq qalanır, daşın üzərinə quyruq və bitki yağı əlavə edilir. Çolpa daın üzərinə yerləşdirlir, ətrafına tərəvəzlər düzülür, duz və istiot səpilir. Üzəri isti daşla örtülüb bişirilir. Limonla təqdim edilir.
Məsləhət:
Bu yemək çöl şəraitində bişirilərsə, daha yaxşı olar. Kabab bişərkən yanında çörək isidə bilərsiniz.